GENERAL SANTOS CITY- Nakaandam matud pa ang mga miyembro sa Sangguniang Panlungsod ning dakbayan nga magpahigayon og usa ka special session aron mahisgutan ang natanggong nga SPPO NO. 1920-0233, kini ang gikumpirma ni General Santos City Councilor Atty. Dominador Lagare, Jr. Kini may kalabotan sa pagpasa sa sugyot ordinansa nga mag-regulate sa pagpahigayon sa mga videoke sessions ug susamang aktibidad nga makadala og disturbo sa publiko.
Nasuta nga naka-recess na ang konseho sa dakbayan alang sa Holiday season.
Ilawom sa maong sugyot-ordinansa, ibawal ang pagpahigayon sa videoke sessions, gikan Lunes hangtud Sabado gikan alas-7:00 sa buntag hangtud alas-9:00 sa gabii.
Kini pinasubay usab sa rekomendasyon sa Department of Interior and Local Government sa nagkadaiyang LGUs nga i-regulate ang maong susamang mga aktibidad nga nagdala ug disturbo ug tigaw sa komunidad.
