GENERAL SANTOS CITY – Wala makaikyas sa mga otoridad ang kinawat kawat nga pagpahigayon ug tari tari sa Purok 23, Sunrise Subd. Lagao ning syudad human gironda sa kapulisan.
Lima ka mga indibidwal ang naabtan sa lugar nga naghupot ug manok hiniktan.
Giila ang mga dinakpan nga silang Melchor Juariza Yu, driver, 48 anyos, John Mark Dela Cruz, 22 anyos, matadero, Rommel Escalante 37 anyos , construction worker ug parehong residente sa lugar.
Lakip nga nadakpan silang Richard Lanceso, 40 anyos, usa ka construction worker og Kenneth Zetha, 40 anyos ug parehong residente sa San Isidro.
Nakuha sa kapulisan ang tulo ka manok nga panabong , duha buhi ug usa patay nga manok ug P 1,350 nga pusta.
Pagsupak sa presidential decree (PD) 1602 ang atubangon sa mga dinakpan nga anaa sa kustudiya sa Lagao Police station.
