GENERAL SANTOS CITY – Luyo sa anam-anam nga pagpalu-ag sa quarantine restrictions sa dakbayan apan padayon ang pahinumdum ni Gensan Mayor Ronnel Rivera sa mga residente nga dili mukumpiyansa tungod may mga nagpositibo pa sa coronavirus disease.
Kini human gitangtang na sugod sa miaging adlaw ang “No Movement Sunday”.
Matud ni Rivera nga gitangtang na ang sunday lockdown tungod miubos ang ihap sa mga aktibong kaso sa COVID-19 sa dakbayan, miubos usab ang occupancy rate sa mga hospital, ug mitaas ang kapasidad nga magpahigayon ug testing.
Luyo sa gihimo nga pagpalu-ag sa mga quarantine restrictions, dili buot ipasabut nga hingpit ng mukumpiyansa ug ingnon nga wala na ang COVID-19 sa syudad.
Matud sa Mayor nga naa pa ang virus tungod nasinati-an gihapon ang pandemya ug dili kalimtan ang mga non-pharmaceutical interventions (NPI) sama sa husto nga pagsul-ob ug face masks, pagsul-ob ug face shield kung kinahanglan , basic hygiene, social distancing, ug kung dili importante ang lakaw magpabilin na lamang sa balay.
Subli gipahinumduman sa Mayor nga bawal gihapon ang mga panagtipon sama sa salo-salo ug selebrasyon tungod sa pasko ug bag-ong tuig hinungdan nga mag-inampingon ang tanan.
