GENERAL SANTOS CITY – Andam ang pamilya nga mukooperar sa kapulisan alang sa ipahigayong imbestigasyon apan sa karon mihangyo una nga mahatagan sila og panahon nga magbangotan sa kamatayon sa negosyanteng si Freya Cuevas, 28-anyos.
Kahibaluan nga pila lamang ka adlaw matud pa ang haya sa biktima hinungdan nga gusto sa pamilya nga tutukan ang tanan hangtod sa ulahing kapahulayan sa ilang minahal sa kinabuhi.
Matud ni P/Major Patrich Elma, hepe sa Makar Police Station mamahimong dakong sa ilang imbestisyon ang ibutyag sa pamilya hilabina nga sila nagbutyag nga adunay nadawat nga bahad ang biktima una pa ang nahitabong pagpamusil kaniya.
Una nang gibutyag sa opisyal nga tanang impormasyon ang ilang gikonsidera sa padayong imbestigasyon aron dayon nga maresolba ang krimen.
Gikonsidera nila ang impormasyon nga posibleng ‘gun for hire’ ang mipusil sa biktima.
Samtang gikabutyag nga aduna na’y persons of Interest ang kapulisan sa pagpamusil-patay kang Cuevas sa Brgy Apopong ning syudad aging Miyerkules.
Paadto unta ang biktima sa usa ka tindahan dihang naabtan sa mga lalaki ug dayong gipusil, milapos pa sa dughan niini ang usa ka bala nga miigo sa likod niini.
