GENERAL SANTOS CITY – Daghan sa mgaa establismento sa syudad ang gasunod sa health protocols sa kampanya batok sa COVID 19.
Matud pa kang Geraldine Zamora, division head sa Business Permit and Licensing Division padayon karon ang ilang gihimong inspection bisag gabii.
Gibutyag pa niini nga kadtong unang na-inspection kauban si Mayor Ronnel Rivera ang wala pa nila nabalikan gumikan gihatagan og usa ka semana aron nga tumanon .
Kahibaluan nga gold badge ang ibutang sa entrance sa establismento kung gisunod ang tanang mga health protocols, blue badge kung may kulang og pula kung wala gayud gatuman.
Gikadugang pa niini nga anaa sa 50 ka mga establismento ang ilang na-inspection kalabutan sa COVID 19 protocols.
Gipaklaro ni Zamora nga ang maong gimbuhaton ang ilang gitutukan lakip pa ang regular inspection sa business permit og uban pa.
Gihingusgan pa niini magpadayon bisag hangtud sa sunod tuig ang maong gimbuhaton kung asa magdepende sila sa kamanduan ni Mayor Ronnel Rivera.
