GENERAL SANTOS CITY – Nadungan og 34 ka kaso sa COVID 19 ang Region.
Sa report gikan sa DOH – Center for Health Development Soccsksargen Region nga sa nasampit nga ihap 14 ang gikan sa GenSan tag duha sa Glan og Maitum, Sarangani Province.
Sa katibuk-ang kaso sa Region 12, mukabat na sa 3,594 ang kaso sa COVID 19 , kung asa 614 ang active cases, 120 ang patay og 2,859 ang nakarekober.
Ang GenSan ang nagpabiling gapanguna sa may labing daghang kaso sa COVID 19 nga mukabat sa 1,031, samtang 168 ang active cases, 40 ang patay og 823 ang nakarekober.
Ang South Cotabato ang may 934 ka kaso sa corona virus, 169 ang active cases, 16 ang patay og 749 ang nagmaayo na.
Ang Cotabato City ang may 819 covid cases, 160 ang active cases, 32 ang nakabsan sa kinabuhi samtang 627 ang nakarekober.
Ang Sarangani 339 ang kaso, 72 ang active cases, 12 ang patay og 255 ang nakarekober.
Ang North Cotabato ang may 278 ka kaso, 35 ang active cases, 12 ang patay og 230 ang nakarekober.
Sa Sultan Kudarat 193 ang covid cases, 10 ang aktibo, walo ang patay og 175 ang nakarekober.
