GENERAL SANTOS CITY – Mukabat na sa 60 ang kaso sa COVID 19 sa Glan, Sarangani Province. Matud pa kang Glan Mayor Vivien Yap nga sa nasampit nga ihap 12 ang nakarekober kung asa ang uban ang nagpabilin pa nga hugot nga gitutukan sa mga medical workers.
Gawas pa niini nga daghan usab ang nagpositibo sa rapid test sa ilang lugar.
Gikasubo ni Mayor Yap nga luyo nga daghan na ang natakdan sa maong virus og kung unsa kapait ang sitwasyon sa mga nagkasakit apan daghan pa ang wala mituo sa COVID 19.
Sa iyang pamahayag nga dili tiaw ang COVID 19 tungod daghan na usab ang namatay.
Ang hangyo niini sa katawhan nga magkooperar sa lokal nga gobyerno aron dili na mudaghan ang corona virus sa Glan.
Subli nga nagpahinumdum si Mayor Yap sa mga taga Glan kung unsa ang mga sintomas sa COVID 19.
Matud pa nga may hilanat ang usa ka tawo, nalisdan magginhawa, may ubo, lakip na nga sakit ang lawas nga sa pagtuo sa uban nga gipamaulan apan pwede nga may COVID 19 ang pasyente.
Hangyo niini nga ayaw na nga mugawas sa balay kung dili mahinungdanon ang tumong aron makalikay nga matakdan sa maong virus.
