GENERAL SANTOS CITY – Gikumpirma ni Administrator Anecito Lopez sa Maasim, Sarangani Province nga duha sa barangay kapitan sa ilang munisipyo ang nagpositibo sa COVID 19.
Matud pa kang Lopez nga ang usa ang nagpabilin sa usa ka ospital sa GenSan samtang ang laing nagpositibo ang anaa sa isolation facility sa munisipyo. Ang usa ka kapitan ang nagpaadmit sa ospital sa og nasuta nga nagpositibo sa COVID 19.
Samtang ang laing usa ang close contact sa unang kapitan nga nakaangkon og virus.
Sa iyang pamahayag nga 10 na lang mga active cases sa COVID 19 sa ilang munisipyo.
Kasagaran sa mga positibo ang mga assymptomatic apan nagpabiling hugot nga gitutukan sa mga medical workers.
Hangyo pa niini sa katawhan nga sundon ang mga healthy protocols aron nga maundang na ang cycle sa covid 19 sa ilang lugar.
Kahibaluan nga sa miaging mga bulan daghan ang natala nga kaso sa COVID 19 sa Maasim ilabi pa sa dihang nagsugod nga midaghan ang natakdan sa maong virus nga may koneksyon sa GenSan fishport.
