GENERAL SANTOS CITY – Gipaklaro sa lokal nga panggamhanan sa dakbayan nga walay kamatuoran ang naglibot nga balita nga gitangtang na ang “No Movement Sunday”.
Sa ulahing pulong nga gipahigayon kauban ang City-IATF nagtakda og target nga sa Disyembre angayang munaog na ang active cases, munaog usab ang positivity rate sa testing facilities.
Kini aron makunhuran usab ang pressure sa healthcare workers pinaagi sa pagpaubos sa “hospital and isolation facility occupancy rate.”
Target sa syudad nga ubos sa 200 ang active cases og malipayong gireport sa katawhan nga sa miaging semana pa lang nakab-ot na ang maong target.
Sa positivity rate, angayang ubos 5% tungod mao kini ang national standard og anaa na ang dakbayan karon sa 7%.
Ang hospital occupancy usab ang napaubos na usab sa 50% sa miaging semana apan sa katibuk-an anaa pa ang GenSan sa warning level.
Apan mas maayo ang kalambuan sa karon kompara dihang gipailawom ang dakbayan sa GCQ nga naa sa halos 100%.
Nanawagan pag-usab ang mayor sa mga katawhan nga magtinabangay tanan.
Angayang maningkamot aron sa Disyembre matangtang na ang majority sa mga restrictions aron makabawi usab ang ekonomiya.
