Mayor Yap sa Glan miapila sa katawhan nga magtinabangay human natala ang 23 ka kaso sa COVID 19 sa ilang lugar sulod sa usa ka adlaw

GENERAL SANTOS CITY – Nagpabilin ang apila ni Mayor Vivien Yap sa Glan, Sarangani Province sa publiko nga magtinabangay sa kampanya batok sa COVID 19.

Kini human natala ang 23 ka kaso sa maong virus sa ilang lugar sulod sa usa ka adlaw.

Matud pa kang Mayor Yap nga gumikan niini 45 na ang nagpositibo sa maong sakit sa nasampit nga munisipyo.

Gikadugang pa sa maong mayor nga daghan pa sa mga residente ang positibo sa rapid test apan angayang ipailawom pa sa confirmatory test sa RT – PCR.

Gibutyag pa ni Mayor Yap nga hugot nga gitutukan ang mga hotsports areas sa Glan.

Gihingusgan niini nga kung gi-quarantine angayang sundon aron dili na mudaghan ang kaso sa virus.
Sumala pa sa mayor nga usa ka doktora nga dili tiaw ang COVID 19.