GENERAL SANTOS CITY – Gihingusgan ni Engr. Emerald Signar, labaw sa City Engineers Office nga 100% na nga nahuman ang master drainage plan sa mga nag-unang outfall sa syudad.
Matud pa ni Engr. Signar nga ilang naobserbahan nga may mga areas nga wala na nga gibaha bisag natigayon ang kusog nga pag-ulan.
Sa iyang pamahayag nga pagkahuman niini tutukan ang ubang mga areas nga makakonekta sa mga dagkong drainage canal ilabi sa central business district.
Ang mga major outfall sa drainage canal sa area sa GenSanville padulong sa Arazada St., Bula Lagao Road og sa bahin usab sa Baluan.
Nasayran nga ang pipila ka area sa Bula, Lagao og Baluan ang maoy makasinati og pagbaha matag matigayon ang kusog nga pag-ulan.
Ang mga tubig gikan sa taas nga bahin ang mukanaog sa maong mga area hinungdan nga makasinati og pagbaha.
