GENERAL SANTOS CITY – Gikatakdang imbestigahan sa Sangguniang Panlungsod ang pondo sa General Komunidad Kontra Kovid (GKKK).
Sa sesyon nga gipahigayon sa konseho, gituki ang maong ayuda nga adunay nga gitagan-an og pondo nga mukabat sa P20 million.
Sa pagpangutana sa mga konsehal, gihingusgan sa taga City Social Welfare and Development Office (CSWDO) wala sila masayod sa maong ayuda.
Matud pa ni Kagawad Richard Atendido angayang maimbestigahan ang maong isyu tungod dako ang pondo nga gikan sa national government nga gigahin sa mga nanginahanglan nga mga residente sa dakbayan.
Sa pamahayag sa nasampit nga konsehal nga nakaabot kaniya ang impormasyon nga adunay pipila ka mga kagawad og barangay kapitan ang nakadawat sa maong ayuda.
Kahibaluan nga gikuwestyon ni City Councilor Franklin Jeng Gacal ang pamaagi sa pagpili kung kinsa ang mga angayang mudawat sa maong ayuda.
Nahibulong usab nganong adunay nakadawat og P1,000 samtang ang pipila P4,000 ang nadawat.
