GENERAL SANTOS CITY – Natanggong ang pag-imbestiga sa mga hintungdang ahensiya sa gobyerno kabahin sa pagkawala ni PO1 Cristine Joy Rojas nga gilambigit sa investment scam nga Police Paluwagan Movement (PPM).
Sa pamahayag ni National Bureau of Immigration (NBI) Agent Regner Pineza nagahimo ang ilang buhatan og imbestigasyon apan nalisdan sa pagtutok sa kaso tungod sa dili mukooperar ang mga testigo.
Sama gihapon ang pahayag sa mga personahe sa Criminal Investigation and Detection Group (CIDG) 12 nga ga-imbestiga usab sa maong kaso nga walay mubarog nga testigo og nalisdan sa pagkuha og mga ebidensya.
Kahinumduman nga midangop ang pamilya ni PO1 Rojas sa CIDG og NBI aron matabangan sila.
Sa karon adunay gihuptan nga ebidensya ang pamilya batok sa ilang mga gidudahang mga tawo apan dili pa paigo matud pa nga mapasaka ngadto piskalya kung walay lig-ong ebidensya.
Nasuta ang nawala ang maong pulis sugod nga giimbestigahan pa lang ang PPM.
Ang tulo ka opisyales nga unang gialegaran na utok sa pagpagdan nasampit nga investment scam ang gipang-absuwelto dili pa lamang dugay tungod walay nakit-an ang piskalya nga paigong basehan aron pasakaan og tukmang kaso.
