GENERAL SANTOS CITY – Gisirado ang palengke sa Brgy. Poblacion Maasim Sarangani Province human nga kini gipailawom sa lockdown.
Sa pakighinabi kang Sarangani Gov. Steve Chiongbian Solon, iyang gibutyag nga base kini sa Executive Order No. 01-2019-75 series of 2020 nga pirmado ni Mayor Zyrex Pacquiao tumong nga mahunong ang pagkatag sa COVID-19 Virus sa lugar.
Sa EO ni Mayor Pacquiao gikanayong tulo sa pito ka aktibong kaso sa Covid 19 ang adunay exposure sa maong palengke.
Gibutyag sa gobernador, magpabilin nga sirado ang palengke hangtud nga mag-test negative sa RT-PCR test ang mga nagpositibo og matapos usab ang gipahigayong contact tracing sa mga nahimamat sa mga naghisgutan.
Gipangunahan sa Bureau of Fire Protection kauban ang mga personahe sa Sanitation Office ang pagpahigayon og ‘sanitation and disinfection protocols’ sa palengke.
Samtang ang BLGU Poblacion ang manghinlo sa palibot sa palengke human ang ipahigayong disinfection sa LGU.
