GENERAL SANTOS CITY – Angol og anaa karon sa tambalanan ang usa ka negosyante og isda human nga naaksidente ang gimanehuan nga topdown sa national highway Brgy. Glamang Polomolok South Cotabato.
Giila ang biktima nga si Edmund Odal, 50 anyos nga residente sa Tupi South Cotabato.
Samtang ang nakabangga niini mao ang forward truck nga gimanehuan ni Joan Britanya, 39 usa ka lalaki nga taga Surallah South Cotabato.
Sa imbestigasyon sa kapulisan, ginasubay sa topdown ang kadalanan paingon sa Gensan og pag-abot sa maong dapit nawad-an og kontrol dihang mibuto ang ligid sa atubangan sa motorsiklo sa topdown hinungdan nga naadto sa pikas nga linya sa dalan og nabangga sa forward truck.
Ang truck ang paingon unta sa Philippine Ports Authority aron mukuha og supply sa contruction materials samtang ang topdown ang gikan nagkuha og isda sa Gensan Fishport.
Hinuon gipasalig sa driver sa forward truck bisan walay sala sa nahitabong aksidente apan mutabang gihapon sa galastuhon sa ospital sa biktima.
