GENERAL SANTOS CITY – Paglapas sa Article 2 ug 3 sa Republic Act 1865 o Probihited Acts Involving Petroleum Products ang giatubang sa duha ka suspetsado nga nadakpan nga nagbaligya ug naga-refill sa liquified petroleum gas (LPG).
Giila ni National Bureau of Investigation (NBI) special agent Vernon Firmalino, ang mga dinakpan nga silang Jefferson Edoloverio ug Rodolfo Cabanlit pulos nga residente sa Barangay Mabuhay ning syudad.
Nakadawat og reklamo ang NBI Central Mindanao Regional Office gikan sa modus operandi sa mga nahisgutan kung asa nagabaligya ug ga-refill nga tangke sa LPG ug butane gamit ang marka sa ubang kompanya .
Gamit ang sarch warrant gisulod ang usa ka lugar sa Purok Manga, Brgy. Mabuhay nga nagresulta sa pagkasikop sa mga suspek.
Nakuha ang daghang tangke sa LPG, refilling machine ug improvised nga makina.
