GENERAL SANTOS CITY – Blangko pa ang pamilya sa motibo sa pagpamusil kang Master Sgt. Ruben Hernaiz, 50 anyos sa Purok 8, Barangay Katangawan, ning syudad kagahapon
.
Nakig-alayon na ang pamilya sa biktima alang sa pagpangalap og dugang impormasyon aron mailhan usab ang mga suspek.
Sumala pa sa igsuon nga walay nahibaloan nga adunay nakaaway og bahad sa kinabuhi ang biktima human nga giangkon nga gawas nga usa ka sundalo ang nasampit aduna usab negosyo nga vulcanizing shop og gapautang usab og salapi.
Sa pamahayag pa sa igsuon nga dili matud pa mawad-an og salapi ang igsuon.
Sa imbestigasyon sa kapulisan sa Police Station 8 nga samtang gamaneho ang biktima og XRM kulay itum gitaparan kini sa duha ka lalaki nga sakay sa motorsiklo og dayon gipusil.
Una pa man mipasutoy og padagan sa ilang motor ang mga suspek gikuha niini ang bag nga dala sa biktima nga adunay cash nga P250,000.00.
Una ang giasoy sa anak sa Bomboradyo nga nagaproseso sa iyang retirement ang amahan sa Davao City.
V
