GENERAL SANTOS CITY- Pwede na makasulod sa GenSan, kini mismo ang pamahayag ni Mayor Ronnel Rivera.
Apan sumala pa niini nga angayang essentials workers o essential usab ang tuyo sa pag-adto sa dakbayan.
Gibutyag sa mayor, kinahanglan nga aduna silay TAPAT, CCTS o MTDC aron i-scan ang QR Code aron makasulod.
Apan katong ang katuyuan lang nga maligo sa atong mga beach resort nga ania sa syudad o magsuroy-suroy ang dili pwede nga tugutan.
Gihingusgan ni Mayor Rivera nga gina-limit lamang ang mga gasulod sa dakbayan.
Kahibaluan nga napirmahan na sa mayor ang Executive Order 49 nga magpaluag sa quarantine protocol sa General Santos sugod ning adlawa luyo nga nagpadayon pa ang pagsaka sa datos sa nagpositibu sa coronavirus disease.
Sa karon ang GenSan aduna 556 ka kumpirmadong kaso sa COVID 19 kung asa 239 ang padayon pang nagpaayo sa sakit.
