GENERAL SANTOS CITY– Mukabat sa 48 ang bag-ong kaso sa COVID 19 nga natala sa Region 12 base sa labing ulahing report sa Department of Health-Center for Health Development (CHD) SOCCSKSARGEN Region.
Gumikan niini 1,986 na ang katibuk-ang kaso sa Region 12, samtang 585 ang active cases o padayon pang nagpaayo sa sakit, og may tulo nga natala nga namatay hinungdan nga misaka na sa 57 ang COVID-19 related deaths og anaa na sa 1,343 ang nakarekober human nga adunay nadugang kagahapon nga 31 kabuok.
Ang GenSan aduna na karon 556 ka kumpirmadong kaso sa COVID 19 kung asa 239 ang padayon pang nagpaayo sa sakit.
Ang gapanguna sa listahan nga may labing daghang kaso sa COVID 19 ang South Cotabato nga may 568 ka kaso og 144 ang actives cases.
Ang ikatulo ang Cotabato City nga anaa sa 397 og 114 ang active cases. Ang North Cotabato 176 ang kaso og 51 ang aktibong kaso.
Ang Sarangani Province anaa 144 ang kaso sa covid-19 og 17 ang active cases samtang adunay 145 ang kaso sa Sultan Kudarat og 20 ang padayon pang nagpaayo.
