GENERAL SANTOS CITY – Mitaas na ngadto sa 64 ka test ang gihimo sa molecular laboratory sa Dr. Jorge Royeca Hospital kada adlaw.
Matud pa kang Dr. Ryan Aplicador, chief of Hospital sa Dr. Jorge Royeca Hospital nga gikan sa initial test nga 25 ka specimen kada gihimong 30.
Sa iyang pamahayag nga sa pagtaas sa ilang kapasidad mitaas usab ang ihap sa mga nagpositibo sa COVID 19.
Gikadugang pa ni Dr. Aplicador nga sukad nga gipatuman sa dakbayan ang General Community Quarantine (GCQ) sa miaging September 27, nasuta nga anaa sa 40% ang kada base sa labing ulahing data sa miaging Oktobre 8, 2020.
Ang target nga mukunhod sa mas ubos nga 5% daily positivity rate, nga mao ang national standard.
Gihingusgan niini nga mahimo kini pinaagi sa pagpataas sa testing capacity og ipadayon ang pagpatuman sa mga minimum health protocols, susama sa pagsul-ob sa face mask, face shield, social distancing og paghugas kanunay sa kamot gamit ang tubig og sabon.
