GENERAL SANTOS CITY – Upat ka mga frontliners ang nagpositibo sa COVID 19 nga nalakip sa listahan nga gipagawas sa DOH 12 kagabii.
Kini mao ang 23 anyos nga babaye nga usa ka BHW nga taga Purok Malakas, Salansang Village, San Isidro.
Lakip ang usa ka 26 anyos nga babaye nga usa ka RHU pharmacist nga residente sa Queenie Subd., Cty Heights.
Positibo usab sa COVID 19 ang usa ka 26 anyos nga babaye nga usa ka clinical encoder nga taga New Bohol, Calumpang.
Samtang ang ika-upat usa ka 22 anyos nga babaye, clerk nga taga Kasoy St. Purok Malambuon, Calumpang ning syudad.
Ang laing mga nagpositibo usa ka receptionist nga taga Agan Ligaya, NUP nga taga Perez, Subd, San Isidro, adunay government employee taga Zone 2B Bula og negosyante nga taga Olana Subd. Mabuhay ning syudad.
Samtang 35 positibo sa COVID 19 ang labing ulahing nadugang sa listahan sa Region 12.
Sa 35 ka ihap, walo ang gikan sa dakbayan sa Heneral Santos nga mas gamay itandi sa miaging adlaw nga kapin sa 20 ang nagpositibo.
Sa pagkakaron gapanguna gihapon ang South Cotabato nga may 518 ka kaso sa COVID 19 samtang 164 ang actives cases og 10 ang patay.
Ang ikaduha nga pwesto mao ang General Santos City nga may 464 ka kaso samtang 202 ang active cases og 19 ang patay.
Ang sunod ang Cotabato City nga may 340 ang kaso, 108 ang aktibong kaso og upat ang patay.
Ang ikaupat nga pwesto ang North Cotabato nga may 150 ka kaso samtang 54 ang active cases og duha ang patay.
Ang Sultan Kudarat ang may anaa sa ikalima nga pwesto nga may 137 ka kaso, 20 ang actives cases og pito ang patay.
Ang Sarangani ang may 135 ka kaso, 10 ang actives cases og lima ang patay.
Sa katibuk-an sa Region 12 adunay 1,744 ang kaso sa COVID 19, anaa sa 588 ang active cases, 47 ang patay og 1,138 ang nakarekober.
