GENERAL SANTOS CITY – Nadugangan pa ug 30 ka mga bag-ong kaso sa COVID-19 ang Region 12 tungod niini mukabat na karon sa 1,374 ang katibok-an nga kaso, basi sa labing ulahing datos nga gipagawas sa DOH-12 kagahapon.
Nanguna gihapon nga adunay labing daghang kaso ang South Cotabato nga adunay 422 sa maong ihap 245 niini ang nakarecover. Anaa sa ikaduha nga pwesto ang General Santos City nga adunay 331 ka mga kaso, 165 niini ang nakarecover.
Ikatulo ang Cotabato City nga adunay 250 ka mga kaso 168 ang nakarecover. Gisundan sa Sarangani nga adunay 126 ka mga kaso, 113 ang nakarekober.
Ang North Cotabato adunay 131 ka mga kaso 71 ang nakarecover, ug ang Sultan Kudarat nga adunay 114 ka mga kaso samtang 94 ang nakarecover.
Samtang 38 usab ang bag-ong nareport nga nakarecover tungod niini misaka na karon sa 856 ang total recoveries.
Samtang miubos sa 483 gikan sa 504 kagahapon ang aktibong kaso sa covid-19 samtang 34 na ang natala nga namatay gumikan sa maong makamatay nga sakit.
