GENERAL SANTOS CITY – Posibleng mahatag na sa sunod semana ang pension alang sa mga Senior Citizens sa dakbayan.
Kini ang impormasyon gikan kang Celso Mendoza, ang labaw sa asosasyon sa mga Senior Citizen sa Gensan. Matud pa niini, mahatag na gyud ngadto sa mga Senior Citizen ang ilang Social Pension.
Giklaro sa nasampit nga opisyal, niadto pa untang Setyembre 4 kini irelease apan gisibog human gideklara nga aduna nay local transmission sa Covid-19 sa syudad.
Sa pamahayag pa ni Mendoza nga matag barangay ang pagrelease og social pension ngadto sa mga myembro, aron nga matuman ang social distancing ug uban pang mga protocol nga ginapatuman sa gobyerno aron nga malikayan ang pagkatag pa sa virus.
Dugang pagpaklaro ni Mendoza apil sa i-release nga social pension kadtong wala pa mahatag nidtong 2018 ug 2019.
Samtang laing schedule ang ipatuman alang sa releasing sa social pension sa mga senior Citizen alang sa ulahing kwarter karong tuiga.
