GENERAL SANTOS CITY- Ipailawom pa sa assessment sa Office of the Building Official kon OBO ang usa ka warehouse sa Barangay Labangal human nga natumpag ang atop.
Ang 2-3 storey nga bodega nahimutang sa National Highway tapad sa SSS Office kung asa adunay nakabutang nga mga tonner bag cement.
Maayo na lamang nga walay mga trabahante nga nahulogan sa mga tipaka gikan sa natumpag nga atop.
Sa pakighinabi sa Bomboradyo kang Kagawad Roland Nuñeza sa Labangal, gibutyag niini nga posibleng structural failure ang hinungdan sa pagkatumpag sa atop sa bodega tungod sa kadugayon niini nga pagbanana anaa na sa 15 ka tuig nga nagbarog ang maong gambalay.
Isip engineer nagtuo kini nga nakatampo usab ang mga nasinatian nga kusog nga mga pag-ulan og mga linog nga miigo sa nakalabay nga mga panahon.
