GENERAL SANTOS CITY– Gipasalig sa mayor sa dakbayan nga paningkamotan nga mahatag na ang allowance nga alang sa mga miyembro sa Barangay Covid Control Force.
Matud pa kang Mayor Ronnel Rivera, target sa syudad nga ning semana mapasa-kamot na sa mga BCCF member ang tig-P2,000 matag bulan nga allowance.
Dili limod nga adunay mga BCCF ang nagreklamo tungod pipila ka bulan na sila nga walay nadawat nga allowance apan nagpaklaro na ang syudad sa nahimong hinungdan sa ‘delay’.
Samtang, gidayeg usab sa Mayor ang papel sa mga BCCF sa mga purok sa 26 ka barangay sa syudad. Nag-unang tahas matud pa sa BCCF ang pagbadlong sa mga bata sa paggawas sa ilang gipuy-an lakip ang pagbantay sa mga isolation facility.
Apil pa sa trabaho nila nga bantayan ang mga gasulod og gagawas sa ilang lugar.
Gibutyag sa Mayor, gitan-aw ang posibilidad nga ma-extend pa ang serbisyo sa mga BCCF memers hangtod sa Nobyembre.
