-- ADVERTISEMENT --
GENERAL SANTOS CITY- Usa ka purok sa Poblacion Maasim Sarangani Province ang gipailawom sa lockdown.
Kini ang gikumpirma ni Maasim Mayor Zyrex Pacquiao kung asa sumala pa kini tungod sa mga bag-ong nagpositibo sa maong lugar.
Sa karon aduna nay 16 kaso sa COVID 19 ang Maasim kung asa 13 ang aktibo.
Nagpaabot pa sila sa resulta sa tulo ka tawo nga gipailawom sa swab test kung asa ang mga nasampit ang residente sa Purok 1 Poblacion.
Apan ang mga nasampit ang naka-isolate na.
-- ADVERTISEMENT --
Tungod sa paglockdown sa lugar, mukabat sa 165 ka mga pamilya ang apektado hinuon ang mga nasampit ang nakadawat na og mga hinabang sama sa 10 kilos nga bugas matag pamilya, noodles og tinapa nga ilang makunsumo samtang dili pa tugtan nga makagawas.
