GENERAL SANTOS CITY – Hugot nga gitutukan sa lokal nga gobyerno sa Sarangani Province ang mga aktibong kaso sa COVID 19 sa ilang lugar.
Gibutyag sa Bombo Radyo GenSan ni Dr. Arvin Alejandro, provincial health officer sa Sarangani nga sa data nga gipagawas sa Department of Health ( DOH) 12 sa miaging sabado sa gabii sa 14 ka kaso sa COVID 19 sa Sarangani ang 13 ang gikan sa maong munisipyo.
Ang maong 13 ka tawo ang nakahimamat sa unang namatay nga usa ka babaye sa Maasim nga ang bana ang gaadtuan sa fishport sa GenSan nga sila ang gapuyo sa usa ka compound.
Lakip sa natakdan ang usa ka dos anyos nga bata nga kauban sa mga nasampit.
Sa Maasim ang 66 ka mga tawo ang gi-quarantine nga may koneksyon sa namatay nga pasyente kung asa ang 13 ang nagpostibo sa RT PCR 13.
Ang usa ka kaso ang gikan sa Kiamba, Sarangani Province nga gaadto gihapon sa fishport sa GenSan.
Gibutyag ni Dr. Alejandro nga ang gihimo sa matag munisipyo sa Sarangani nga ang tanang gaadtuan sa fishport ang angayang subayon og tutukan ang iyang kahimtang nga ipailawom sa RT-PCR test.
Sa iyang pamahayag nga ang tanang gaadto sa 14 ang angayang ipailawom sa 14 days quarantine.
