GENERAL SANTOS CITY – Konektado sa daghang grupo ang mga suspek nga may kalambigitan sa pagpusil patay kang Police Major Joan Resurreccion ang kanhi hepe sa Carmen Police Station .
Matud kang Lt. Col. Lino Capellan, tigpamaba sa Police Regional Office 12 nga ang tulo sa suspek nga gitudlo nga responsable sa pagpatay kang Resurreccion ang nagtago gumikan sa kalambigitan sa daghang kaso.
Gani malaumon ang kapulisan sa rehiyon nga paboran sa piskalya ang gipasaka nga kaso gamit pinaagi sa mga ebedinsya.
Kahinumduman nga nagresponde silang Resurreccion sa pagpamusil sa usa ka Indian national nga nagapautang sa dapit.
Gigukod matud pa sa kapulisan ang mga responsable dihang gipamusil sila sa mga armado nga lalaki nga nagresulta sa pagkaigo sa opisyal samtang anaa sakay sa police patrol car nga gikamatay sa biktima.
Nasuta nga mipasaka usab ug laing kaso ang pamilya sa Indian national batuk sa mga suspek.
