GENERAL SANTOS CITY-Angayang magtinabangay ang tanan ilabina nga padayon ang pagsaka sa kaso sa covid 19 sa dakbayan,. Kini ang hangyo ni Mayor Ronnel Rivera sa publiko human nga giangkon nga aduna na tay local transmission.
Gibutyag niini tanan gihimo sa lokal nga panggamhanan aron batokan ang maong makamatay nga virus.
Sa iyang pamahayag nga dili nahimong dali ang mga nahitabo sa atong syudad. Pipila ka mga barangay nato ang kinahanglan magpahigayon ug localized lockdown para sa contact tracing ug isolation sa mga direct contacts.
Sunod-sunod usab nga mga kaso sa COVID-19 ang natala. Adunay mga pamilya na nagpasahan sa maong virus, daghan sa mga frontliners ang natakdan, ug mga essential workers ang natakdan usab sa COVID-19.
Dili dali pero padayun ang lokal nga pangamhanan sa pag-atubang niini. Nangayo ang mayor og pagsabot sa mga hugot nga pagpatuman sa atong mga control measures.
Mihangyo ang mayor sa tanan nga magpuyo sa balay kung dili importante ang lakaw, og sundon ang uban pang safety og health protocols batuk sa covid 19.
Sa mga essential workers gibutyag sa mayor nga dili na lang makiglalis sa mga law enforcers og mutuman na lang.
Sa mga essential industry angayang proteksyunan ang mga trabahente.
