GENERAL SANTOS CITY- Kapin sa usa ka libo ang nakasupak sa Excutive order # 42 ni Mayor Ronnel Rivera human nga gipatuman kaniadtong Hwebes.
Sumala pa nga sa sulod lamang sa duha ka adlaw adunay 1,306 ka mga violators ang nasikop sa mga otoridad.
Base sa gipagawas nga datos sa General Santos City Police Office, 184 ka mga tawo ang nasikop nga wala nagsul-ob ug face mask; 425 usab ang wala pagsul-ob sa faceshield; 307 ang nasikop sa ‘social distancing’ ug 130 ang nakasupak sa odd-even number coding scheme’.
Sumala pa kang Police Col. Aden Lagradante, direktor sa GSCPO, angay nga hugtan ang pagpatuman sa mga patakaran gumikan sa bahad COVID-19.
Kahibaloan nga sa nakalabay nga gabie gipangdakop ang mga menor de edad human naaktuhan sa kapulisan nga nag-inum sa Purok 4, Rajah Muda Bula ning dakbayan.
Nagpahinumdom usab ang mga otoridad nga angay nga sundon ang unsa man nga lakang nga gipatuman sa gobyerno tungod alang kini sa kaayuhan sa matag-usa.
