-- ADVERTISEMENT --
GENERAL SANTOS CITY – Pinasubay sa Executive Order No. 42 nga gipagawas ni Mayor Ronnel Rivera siradhan ang ‘borders’ sa General Santos City nga nagsugod kaganihang tungang gabie hangtod tungang gabie sa Setyembre 13,2020.
Kini isip pag-amping og pagharang sa pagkatag sa COVID-19, ilabi na dungan sa pagsaka sa kaso sa mga apektado sa tibuok rehiyon.
Gibawal ang non-essential travels sa dakbayan og tugutan lamang ang essential travels kung nakarehistro sa TAPAT o Trace and Protect Action Team. Ania lamang ang mga pwedeng makasulod sa siyudad pinasubay sa Section 2a og 2b sa EO 42:
- Deliveries sa pagkaon, essential supplies and services by land, sea or air ( tulo ka tawo lang ang gitugtan apil niini ang driver)
- LSI o Locally Stranded Individuals and returning residents.
Aron magrehistro, ablihan ang http://tapat.gensantos.gov.ph og butangan sa mga mahinongdanong detalye sama sa pangalan, gender, birthdate, email address og contact number. - Gipaklaro nga ang TAPAT QR Code personal og dili pwedeng ipagamit sa uban. No TAPAT, No Entry.
- Gipahimangnuan ang tanan nga magpuyo sa balay, mag-amping og ipabilin nga himsog ang panglawas.
