GENERAL SANTOS CITY – Nadugangan ug laing lima ka kaso sa coronavirus disease sa Soccsksargen area hinungdan nga mitala na ngadto sa 407 ka mga kaso.
Kini ang 21, 31 ug 23 anyos nga taga North Cotabato nga adunay travel history sa Quezon ug Manila, samtang dugang duha usab sa Heneral Santos nga gikan sa Caloocan ug Quezon City nga miabut kaniadtong Agusto 24, 2020.
Sa kasamtangan nag-una gihapon nga adunay labing daghang coronavirus positive ang South Cotabato nga adunay 104 ka kaso 78 ang nakarecover samtang adunay 26 ka active nga kaso, gisundan sa Sarangani nga adunay 73 ka kaso 57 ang nakarecover samtang adunay 16 ang active, ikatulo mao ang Sultan Kudarat nga adunay 71 ka kaso samtang 59 nakarekober samtang siyam ang aktibu nga kaso, ika upat ang North Cotabato nga adunay 58 ka kaso 41 ang recovery samtang 15 ang active, sunod ang Heneral Santos nga adunay 57 ka kaso samtang 34 ang recovery ug 23 ang active, samtang ang cotabato city adunay 44 ka kaso 28 ang recovery 16 ang active.
Basi sa data tulo ang nadugang nga nakarekober sa maong sakit.
