GENERAL SANTOS CITY – Tungod sa kasamtangang COVID-19 situation, ang tanan nga tourism sites sa Munisipyo sa Polomolok gimanduan nga temporaryo nga siradhan.
Una niini, gikumpirma mismo ni Polomolok Mayor Honey Lumayag-Matti nga nakatala na sila og kaso sa local transmission sa covid-19 sa ilang lugar.
Kini human midungag sa listahan ang walo ka kumpirmadong kaso kung asa upat niini adunay co-morbidity o ubang balatian.
Gawas sa local transmission, nahimong hugot usab ang pagpatuman sa ilang local government unit sa mga patakaran ilawom sa gipagawas niining executive order 37.
Giangkon ni Mayor Matti nga pahurot na ang ilang pondo og supply tungod sa nakalabay usab nga pagpailawom sa lockdown og mga relief efforts, apan gisulayan nga i-maximize kini aron matabangan ang mga barangay nga gipailawom sa localized lockdown.
Sa pikas bahin, wala pa silay plano nga itaas sa general community quarantine ang Polomolok inay ilaha lamang matud pa pahugtan ang mga protocols sa gipagawas nga executive order.
