-- ADVERTISEMENT --
GENERAL SANTOS CITY – Gilayong gipatuman ang lockdown sa Brgy. Apopong ning dakbayan human nga magpositibo sa coronavirus disease 2019 ang usa ka residente niini nga usa ka 58 anyos nga babaye.
Matud ni Barangay Captain Paolo Natividad nga usa ka magtutudlo ang nagpositibo og miuli sa GenSan gikan sa Sultan Kudarat.
Ang pasyente adunay history of exposure sa COVID positive patient una miuli sa Barangay Apopong.
Dugang pa ni Natividad nga nagpadayon ang contact tracing sa mga nahimamat sa nasampit nga teacher nga gipailawom na sa quarantine.
Sa iyang pamahayag nga anaa sa isolation na ang nasampit nga pasyente og hugot nga gimonitor.
-- ADVERTISEMENT --
Una niini, gipatuman usab ang lockdown sa Brgy. Bula human nga nagpositibo ang 62 anyos nga babaye.
