GENERAL SANTOS CITY – Tulo ang kumpirmado nga kaso sa COVID-19 sa Polomolok South Cotabato.
Sumala pa nga unom ka bulan nga batang lalaki ang usa sa nagpositibo ug walay travel history sa ubang lugar samtang ang laing duha ang pulos mga babaye nga nagpangidaron ug 22-anyos ug 27-anyos nga sa karon na-admit sa balay tambalanan.
Nasayran usab nga pulos walay mga travel history ang duha nga nagpositibo.
Samtang gikumpirma usab ni Polomolok Vice Mayor Xavier Bayan nga nareport sa social media ang tulo ka mga pasyente nga positibo sa maung makamatay nga sakit.
Sumala pa niini nga gideklara sa ilang Municipal Health Office ang tulo nga bag-ong kaso sa virus.
Samtang ginasuta pa kung asa nakuha sa mga nahisgutan ang virus human gikabutyag nga wala mibiyahe sa ubang lugar.
