GENERAL SANTOS CITY– Gikalipay sa DOH-12 tungod 11 ang nadugang sa ihap sa mga nkarekober gikan sa coronavirus disease sa Rehiyon 12.
Sa karon anaa sa 214 ang kumpirmadong nakarekober gikan sa maong makamatay nga sakit.
Ang upat ka bulan nga batang babaye nga residente sa Cotabato City ang labing bata nga nakarekober samtang 47 anyos ang pinaka-ledaran nga residente sa North Cotabato Province.
Sa kasamtangan anaa na sa 332 ang katibok-ang kaso sa covid 19 sa SOCCSKSARGEN og nagpabilin sa gihapon nga upat ang natala nga namatay kung asa duha sa North Cotabato ug duha usab sa Sultan Kudarat.
Nag-una sa adunay pinakadaghang kaso ang South Cotabato nga adunay 81 kung asa 43 ang nakarecover.
Gisundan kini sa Sarangani Province nga nakatala ug 66 samtang 53 ang nagmaayo sa sakit. Ikatulo ang Sultan Kudarat nga adunay 61 mga kaso, duha ang namatay og 49 ang naulian.
Dayon ang North Cotabato adunay 48 ka kaso, duha ang patay ug 29 ang anaa na sa luwas nga kondisyon samtang ang GenSan adunay 46 ka mga kaso, 12 ang nakarecover og ang Cotabato City may 30 ka mga kaso sa covid 19 ang natala kung asa 28 ang nakarecover.
