GENERAL SANTOS CITY – Nagsugod na ang imbestigasyon sa Inter Agency Task Force kalabut sa alegasyon nga adunay pagsupak sa protocol sa pagpagawas sa anak sa namatay nga si Evelyn Te sa isolation facility aron makabisita sa haya sa namatay nga negosyante.
Giangkon ni GenSan Mayor Ronnel Rivera nga naglatigum na nakalabay adlaw ang IATF ug gisugdan ang imbestigayon.
Matud sa Mayor nga mandatory nga patubagon si Dr. Lalaine Calonzo kung ngano gitugutan nga makagawas ang mga anak sa namatay nga negosyante.
Lakip usab imbestigahan si Kagawad Rosalita Nuñez nga maoy mitagbo sa managsuon sa usa ka hotel aron dad-on sa balay sa ilang inahan.
Mitawag matud pa si Dr Calonzo kang Kapitan Jeprox Yumang nga ipakuha ang mga anak sa negosyante sa isoloton facility apan mibalibad si Kapitan Yumang tungod wala kini nahisakop sa iyang area.
