GENERAL SANTOS CITY – Gimando na ni City Mayor Ronel Rivera ngadto sa mga opisyal sa dakbayan nga mag-quarantine ang mga miadto sa haya og nakigduyog sa paglubong sa usa ka negosyante sa syudad nga ang anak ang postibo sa COVID 19.
Gibutyag sa Bombo Radyo GenSan ni Atty. Arnel Zapatos, city administrator nga walay exempted nga mga city offcials sa mga patakaran.
Gibutyag pa sa nasampit nga opisyal nga gipailawom na sa quarantined ang tanang mga tawo sa balay sa maong negosyante.
Una niini nangayo og pasaylo si Kag. Rosalita Nunez gumikan siya ang mitabang nga makagawas sa quarantine facility ang nasampit nga positibo.
Nananghid si Nuñez sa City Health Office kon pwede nga i-home quarantine ang anak sa maong negosyante kung asa miuyon human nga gi-inspection ang balay.
Ang pasyente ang anaa sa stable ang kondisyon nga na-admit sa usa ka pribadong ospital.
Nasayran nga nakapa-rapid test ang nasampit og negatibo apan iyang gipaklaro nga dili realiable.
