GENERAL SANTOS CITY– Sa tabang sa lokal nga gobyerno og City Agriculturists Office, nanghatag og mga motorized og non-motorized bancas og uban pa nga mga fishing gears sa mga mananagat sa dakbayan sa pagpanguna sa Bureau of Fisheries and Aquatic Resources (BFAR XII) isip parte sa response and recovery program karong COVID-19.
Nanghatag og unom ka motorized bancas sa mga fisherfolks og lima ka non-motorized bancas.
Lakip sa mga nahatagan og non-motorized bancas ang Bula Bangkero Bantay Dagat Association, Bangus Fish Cage Bawing, Bula Seaweeds Farmers Association og East Coast Tour Guiding Association.
Nahatagan usab og mga fishing gears (life vests, multiple hook & lines, hook & lines, og squid jiggers) ang Tinago 9-A Fisherfolks Association, Dadiangas South Bantay Dagat, Labangal Headliners, og Bawing.
Matud pa kang Supervising Aqua Culturist, Jonathan Balili, kini magsilbing tabang sa mga mananagat nga padayong nagtrabaho luyo sa pandemya.
