-- ADVERTISEMENT --
GENERAL SANTOS CITY– Gi-estudyohan karon sa kapulisan ang CCTV footage sa usa ka panimalay kung asa makit-an ang pagpangawat sa usa ka wala mailhing tawo sa motorsiklo.
Matud pa ni PMajor Ananias Vasquez, hepe sa Makar Police Station nga may kopya na sila sa footage nga posibleng makatabang aron mailhan ang suspek.
Sa footage nga narekord pasado alas tres sa kaadlawon, makit-an ang usa ka lalaki nga miguyod pagawas sa motorsiklo.
Dihang napagawas na ang single motor, gisirado pa balik sa suspek ang gate.
Una ang pagkuha sa suspek sa motorsiklo, gihiluan pa sa nasampit ang iro hinungdan nga wala makapaghot. Sa pamahayag ni Vasquez, giplanohan sa suspek ang pagkawat sa motorsiklo
-- ADVERTISEMENT --
