Mukabat na sa 310 ka mga kaso sa COVID-19 sa Rehiyon 12 tungod sa nadugang nga 7 ka mga bag-ong kaso sa maung makamatay nga sakit kini base sa pinakauhlang datos nga gipagawas sa DOH-12, upat usab ang nadunagan nga nakarecover sa katibok-an nga rehiyon tungod niini anaa na karon sa 150 katibok-an nga mga nakarecover nagpabilin sa gihapon nga upat ang natalang namatay sa Rehiyon sa nasampit nga sakit kung asa duha sa North Cotabato ug duha usab sa Sultan Kudarat.
Sa karon nag una ang Probinsya South Cotabato nga adunay 74 ka mga kaso kung asa 37 ang nakarecover. Gisundan kini sa probinsya sa Sarangani nga nakatala ug 64 na ka mga kaso, 23 niini ang nakarecover.
Ikatulo ang Sultan Kudarat nga adunay 60 ka mga kaso 36 ang nakarecover.
Dayon ang North Cotabato nga adunay 44 ka mga kaso duha ang patay ug 23 ang anaa na sa luwas nga kondisyon samtang ang dakbayan sa Heneral Santos adunay 40 ka mga kaso, pito pa lamang ang nakarecover niini ang dakbayan sa Cotabato nagpabalin nga 28 ka mga kaso kung asa 24 ang nakarecover niini.
Nasayran nga lima ang nadugang sa dakbayan sa GenSan nga bag-ong natakbuyan sa maung makamatay nga sakit ug duha sa Probinsya sa South Cotabato.
