GENERAL SANTOS CITY – Mukabat na sa 303 ang natalang kaso sa COVID-19 sa Rehiyon 12 tungod sa nadugang nga pito ka mga bag-ong kaso sa makamatay nga sakit kini base sa pinakaulahing data nga gipagawas sa DOH-12.
Nadugangan ug unom ang ihap sa mga nakarekober hinungdan aduna nay 146 ang kinatibuk-ang ihap ang mga nakarecover samtang nagpabilin sa gihapon nga upat ang natala nga namatay.
Sa karon nag una ang Probinsya South Cotabato nga adunay pinakadaghan nga natala nga kaso sa maong makamatay nga sakit nga adunay 72 samtang 37 ang nakarecover.
Gisundan kini sa probinsya sa Sarangani nga nakatala ug 64 samtang 22 niini ang nakarecover.
Ikatulo ang Sultan Kudarat nga adunay 60 ka mga kaso 34 ang nakarecover.
Dayon ang North Cotabato nga adunay 44 ka mga kaso duha ang patay ug 22 ang anaa na sa luwas nga kondisyon samtang ang dakbayan sa Heneral Santos adunay 35 ka mga kaso, pito ang nakarecover ug ang dakbayan sa Cotabato nagpabilin nga 28 ka mga kaso kung asa 24 ang nakarecover .
