GENERAL SANTOS CITY – Bangi sa yuta ug posebli may kalambigitan sa pagkamatay sa igsoon ni Kagawad Abdul Majid Mamalompong sa Barangay Baluan ning dakbayan ang hinungdan sa pagpamusil kaniya nakalabay nga adlaw nga nagresulta sa iyang kamatayon.
Nasayran nga si Mamalompong ang mipuli sa posisyon sa iyang igsuon isip Konsehal sa Barangay human gipusil patay nakalabay nga mga bulan.
Nakuhaan ug video ang duha ka suspect nga sakay sa usa ka motor human ang pagpamusil nga nagresulta sa iyang kamatayon.
Samtang nanawagan ang mga otoridad sa mga kabanay sa biktima nga makitambayayong alang sa nagpadayon nga imbestigasyon aron masikop ang mga suspect .
Sa pakighinabi usab kang Lt. Col Lino Capillan ang tigpamaba sa PRO-12 gibutyag niini nga aduna nay direktiba ang Regional Director aron imbestigahan ang nasampit nga krimen.
