GENERAL SANTOS CITY – Gikalipay ni Alabel Municipal Mayor Vic Paul Salarda ang pagnegatibo na sa coronavirus disease sa usa ka residente sa Alabel nga gidala sa isolation facility human matud pa nakitaan ug sintomas sa virus.
Matud sa mayor nga migawas ang resulta sa gipahigayon nga swab test sa nahisgutang pasyente kung asa kun kahibaluan nagpatabang sa Municipal Health Office apan nakitaan ug sintomas sa virus.
Gibutyag ni Mayor Salarda nga nahibaw-an nga ang naasoy nga suspek ang usa sa 170 nga adunay indirect contact sa Locally Stranded Individual nga miadto sa usa ka bar sa Barangay Calumpang kauban sa iyang mga higala kaniadtong Hulyo 21 bisan ug wala mahuman ang iyang quarantine period.
Nasayran nga gikan sa 65 ka kumpirmadong kaso sa covid 19 sa Sarangani Province , 22 ang nakarekober na sa maong sakit.
