GENERAL SANTOS CITY – Giila sa Sangguniang Panlungsod pinaagi sa paghatag og pasidungog ang pipila ka indibidwal sa dakbayan tungod sa mga maayong buhat og accomplishment.
Atol sa ika-41st Regular Session sa konseho niadtong Martes, miatubang ang mga awardees sa mga konsehal sa syudad nga puno og kalipay sa ilang kasingkasing dihang gitunolan sa ilang award sa simpleng awarding ceremony sa Sangguniang Session Hall.
Ang mga gipasidunggan mao silang Victorio Sexcion, Vance Paul Sexcion, Dominic Salazar , Melvin Distor, Lalaine Villaruel Suhanda, Jan-jan Mercado, Soledad Mananguil , Tracker Lim og Sarah Jane Manilay.
Ang mga nasampit mitabang sa pagkontrola sa Clustered Checkpoints pinaagi sa paghatag og Personal Protection Equipment kun PPEs og nagkadaiyang goods/ food packs kaniadtong ilawom pa sa Enchance Community Quarantine ang syudad isip suporta sa mga frontliners workers.
Giila usab ang Habitat Community Association,Inc og LGU- Barangay San Isidro tungod sa donasyong parsela sa yuta aron itukod ang Kabayan Center- Police Community Assistance Centers sa Barangay Mabuhay.
Samtang gipasidunggan usab ang San Isidro Police Station sa nakuha nga highest accomplishment sa kampanya batuk sa illegal nga paghupot og mga armas og illegal gambling og highest accomplishment on implementation of Manhunt Charlie sa 2nd Quater of calendar niining tuiga.
