GENERAL SANTOS CITY – Mitala pa sa 260 ang kaso sa COVID-19 sa region-12 human madugangan og 14 ka bag-ong kaso kagahapong adlawa siyam niini gikan sa South Cotabato ug lima sa South Cotabato.
Ang pinakabata sa bag-ong nagpositibo ang nag edad ug 18 anyos nga babaye nga taga South Cotabato Province ug pinakaedaran anaa sa 42-anyos nga residente gihapon sa nasampit nga probinsya.
Tanan sa mga bag-ong nagpositibo ang anaa sa stable ang kahimtang nga kadaghanan may travel history gikan sa Manila, Taguig City og Pasay City nga nakaabut kaniadtong Hulyo 20 hangtud aging adlaw, July 29.
Samtang tulo usab ang bag-ong nakarekober sa COVID-19 sa Soccsksargen nga duha gikan sa North Cotabato ug usa sa South Cotabato.
Nanguna sa gihapon ang Sarangani Province nga adunay pinakadaghan nga COVID-19 cases nga 65, ikaduha ang South Cotabato nga 56, ikatulo ang Sultan Kudarat nga 45, North Cotabato nga adunay 36, samtang 30 sa GenSan ug Cotabato City nga adunay 28 ka kaso sa COVID-19.
