Nagnegatibo sa rapid test si GenSan City Mayor Ronnel Rivera samtang gikatakda kining mupailawom sa swab testing sa adlawng Sabado.
Matud pa kang City Administrator Atty. Arnel Zapatos nga anaa sa maayong kondisyon ang panglawas sa mayor samtang on-going ang quarantine.
Mayor Rivera
Gibutyag niini, mahuman sa muabutay nga Sabado ang 14 days quarantine sa mayor apan mas gipakamaayo niining mudiretso hangtod sa Agosto 8, 2020 aron masunod ang bag-ong protocol nga 21 days quarantine.
Gisiguro ni Atty. Zapatos nga updated ang mayor sa mga panghitabo sa dakbayan ilabina na sa pagtutok og paghatag og aksyon sa lokal nga gobyerno kabahin sa covid-19.
Nasayran nga si Mayor Rivera ang mitambong sa lubong sa iyang inahan sa Cebu kaniadtong July 17, 2020 nga kung asa ang nasampit nga lugar ang daghang natala nga kaso sa makamatay nga virus.
