GENERAL SANTOS CITY – Mukabat na sa 494,234 kun 87.66% ka mga bata sa Region 12 ang malampusong nabakunahan na sa padayon nga “Sabayang Patak Kontra Polio”.
Nasuta nga target sa DOH nga mabakunahan ang anaa sa 563, 833 ka mga bata sa tibuok Soccsksargen edad 0-59 ka bulan.
Ang North Cotabato ang may pinakadaghang nabakunahan
nga bata nga mukabat sa 178,141 gisundan sa South Cotabato nga anaa sa 114,774 ang nabakunahan, Sultan Kudarat ( walay apil ang Lambayong) 88,735 ang mga bata nga nabakunahan.
Nasuta nga 16,732 ka mga bata dies anyos paubos sa Lambayong ang nabakunahan; sa GenSan mukabat sa 74,541 ka mga bata ang nakadawat sa polio vaccine, sa Sarangani 70,816 og sa Cotabato City anaa sa 36,826 ang nabakunahan.
Ikasiyam nga adlaw ang “Sabayang Patak Kontra Polio” nga padayong ginapahigayon sa tibuok Mindanao nga mahuman sa August 2, 2020.
