GENERAL SANTOS CITY – Hugot ang panawagan ni Dr. Rex Calub sa City Veterinary Office sa dakbayan ngadto sa publiko nga pabakunahan ang iro ngadto sa ilang opisina.
Matud pa niini, libre nga ginahatag ang bakuna kung asa gabakuna sa mga binuhi gikan Lunes hangtud adlawng Biernes alas 8:00 sa buntag hangtud sa alas 5:00 sa hapon.
Gibutyag ni Dr. Calub, padayon karon ang vaccination sa iro sa City Vet kung asa sila na mismo ang ga-adto sa matag barangay.
Dugang niini, kung mapaakan sa iro angayang dad-on ang pasyente sa Animal Bite Center sa Dr. Jorge Royeca P. Hospital aron matambalan.
Sa iyang pamahayag, delikado ang rabies kung maadto sa lawas sa usa ka tawo.
Dugang pa ni Dr. Calub nga walay tambal sa rabies.
Anaa sa 14 ka kaso sa pinaakan sa iro nga positibo sa rabies sa dakbayan karong tuiga.
