GENERAL SANTOS CITY – Unom ang bag-ong nadugang nga kumpirmdong kaso sa covid19 sa Region 12.
Sa datos nga gipagawas sa DOH12, mukabat na sa 86 ang mga nagpositibo sa sakit sa Soccsksargen, 46 ang nakarekober na sa sakit og duha ang napatay sa nahisgutang sakit.
Sa mga bag-ong nagpositibo ang usa ka residente sa Sultan Kudarat, upat ang residente sa South Cotabato samtang usa ang residente sa North Cotabato nga usa ka tres anyos nga lalaki nga kasamtangang naka-admit.
Padayong ginasusi ang lugar kung asa didto natakbuyan sa covid19.
Stable ang kahimtang sa lima nga bag-ong nagpositibo.
Apan may usa ka 24 nyos nga lalaki nga residente sa Sarangani Province ang nakarekober gikan sa maong makamatay nga sakit.
Ang nahisgutan ang adunay travel history sa Cebu.
Sa karon, ang Sarangani Province ang may siyam nga natala nga covid 19 confirmed case( tulo ang nakarekober); sa Cotabato City- wala nay pasyente nga gibantayan tungod ang tanang 15 nga nagpositibo sa sakit tanan ang nakarekober na; North Cotabato- sa 12 nga nagpositibo (usa ang namatay, lima ang nakarekober; South Cotabato- 25 ang kaso og 16 ang nakarekober og ang Sultan Kudarat may 20 ka mga kaso sa covid19 (1 patay og 5 ang nakarekober).
